भारतनि संबिजिरनि Article 39A आ राइजोनो थि आयेनारि हेफाजाब खान्थि, समानथाय सुबिदानि सायाव बिथा खालामनानै बिजिरनाय आरो जरखा थि आयेनारि बेसेन नाङि हेफाजाब, आरजाथाव आयेनारि खान्थि एबा बिथांखि एबा गुबुन रोखोमै बै सुबिदाफोरखौ थि खालामनो बिजिरनायखौ मोननायनि थाखाय रावबो नोगोरारिफोरखौ रांखान्थियारि एबा गुबुन हामोन्थाय गैयि जाहोननि थाखाय नेवसिगारा। आयेननि सिगाङाव समानथिखौ बिथा खालामनानै आयेन आरो मोनसे थि खान्थिखौ गासैनिबो सुबिदानि थाखाय Articles 14 आरो 22(1) या राइजोखौ मावथारनांगौ खालामनानै होदों। थि आयेनारि हेफाजाबा थि खालामनो दि संबिजिरारि समाय लानाया गावनि लाइजाम आरो जिउमा आरो समानथाय बिजिरनायखौ गोरोबि, उन गोग्लैसोनाय आरो लोरबां थाखोनि समाजनि थाखाय एग्रे बेग्रे खालामना होदों।
हादरारि थि आयेनारि सिबिथाय बिगोमा (एन.ए.एल.एस.ए. NALSA) या थि आयेनारि सिबिथाय बिगोमा एक्ट 1987 नि सिङाव लोरबां थाखोनि समाजनो बेसेन नाङि थि आयेनारि सिबिथाय आरो दावराव दावसि जानायखौ बोस्रांना गोजोन लाबोनो थाखाय सुबुं आदालत दानो होयो। एन.ए.एल.एस.ए.आ गोदान दिल्लियाव दं। एन.ए.एल.एस.ए.( NALSA)नि बिथांखिफोर आरो बिथोनफोरा खामानियाव फैनाय बादियै सुबुंनो बेसेन नाङि सिबिथाय होनो थाखाय गंफ्रोम राइजोआव मावफुंनो हानाय बादियै सुबुं आदालत राइजो थि आयेनारि सिबिथाय बोगोमाखौ दानाय जादों। राइजो थि आयेनारि सिबिथाय बिगोमाखौ गोजौ बिजिरसालिनि मान गोनां गाहाय बिजिरगिरिया दैदेनो। बिथाङानो राइजो थि आयेनारि सिबिथाय बिगोमानि गाहाय बानजायगिरि। गंफ्रोम जिल्लायाव जिल्ला थि आयेनारि सिबिथाय बिगोमाखौ जिल्लायाव थि आयेनारि सिबिथाय हाबाफारिफोरखौ मावफुंनो दानाय जादों। जिल्ला थि आयेनारि सिबिथाय बिगोमाखौ गंफ्रोम जिल्ला बिजिरसालियाव फसंफानाय जादों आरो जिल्लानि जिल्ला बिजिरगिरिया मासिगिरि।
थि आयेनारि बेसेन नाङै सिबिथायखौ मोन्थाव गुबै सुबुं
थि आयेनारि बेसेन नाङि सिबिथायखौ मोन्नो हायो:
सुबुं आदालता मोनसे आफाद जेराव गोदोना थानाय दावराव-दावसि/केसफोरखौ आयेनाव बिजिरनाय एबा सिगांग्रो मकर्दमा खोलोबखौ गोजोनै थि/समाधान खालामो। 1987 एक्टनि थि आयेनारि सिबिथाय बिगोमानि सिङाव सुबुं आदालतनो नांगौसेबां गोहोखौ होदों। बे एक्टनि सिङाव, सुबुं आदालता होनाय आयेनारि बिथोनखौ गंसे नखरारि बिजिरसालि आरो बेखौ जोबथा आरो गासै हान्जायानो मावथारनांगौ आरो बेनि राय होनायनि बेरेखा जायखि जाया बिजिरसालियाव आरज खालामजाया।
सुबुं आदालताव होजाथाव केसफोरनि आखुथाय
बिजिरनाय/ थि खालामनायनि थाखाय सुबुं आदालताव होनाय केसखौ माब्रै मोन्नो हायो
क) बिजिरसालियाव गोग्लैनानै थानाय केस:
ख. जायखि जाया दावराव दावसिनि सिगांग्रो मकर्दमा थाखो:
राइजो थि आयेनारि सिबिथाय बिगोमाखौ सुलाद लानायनि आबुं थं:
फुंखा: एन.ए.एल.एस.ए.( NALSA)
जोबथा दाफामनाय : 5/14/2020