गाहाइ मन्त्री देहा रैखाति मावथांखिया (PMSSY) सरासनस्रायै हादरनि गुबुन गुबुन बाहागोफोराव देहा जोथोननि खाबुफोरखौ समानै मोनफुंजोबनो हायैनि सायाव नोजोर होयो आरो लोगोसेनो जरʼखायै नांगौ जखानि देहा जोथोन मोनै राइजोफोराव गुनगोनां देहा सोलोंथाइनि खाबुफोरखौ बांहोनो थांखि लायो। बे मावथांखिखौ 2006 मायथाइनि मार्स दानाव जागायदोंमोन।
PMSSY नि गिबि खोलोबाव मोननै गाहाइ बाथ्राफोर दंमोन-AIIMS महरनि गंदʼ फसंथानफोर फसंना; आरो थाखानाय गं 13 सरकारि देहा फाहामसालि फसंथानफोरखौ जौगा महर होनाय।
गं 6 AIIMS महरनि फसंथान गंफायै बिहार (पातना), चत्तीशगड़ (रायपुर), मध्यʼ प्रदेश (भुपाल), उड़िस्सा (भुबनेश्वर), राजस्थान (जधपुर) आरो उत्तराञ्चल (ऋषिकेष) आव गंफायाव 840 कौटि रां खरसा खालामनानै लुफुंनो थांखि लानाय जायो। बे राइजोफोरखौ बायदिसिना समाज-रांखान्थि बिथिं जेरै सुबुं जौगानायनि नोजोर, लेखा रोंनायनि हार, निखावरि सिमा हांखोनि सिंनि सुबुं आरो बोसोरारि आइ आरो देहानि बायदि बिथिं जेरै सुबुं-बिसनानि रुजुजखा, गिथाव बारस्लायनो हानाय बेरामफोरनि थानाय हार, खुदियाफोरनि थैनाय हार बायदिखौ नोजोराव लाखिनानै थि खालामनाय जादों। गंफ्रोम फसंथानफोरा 960 बिसनानि देहाफाहामसालि जागोन (500 बिसनाया मेदिकेल कलेज देहाफाहामसालिनि थाखाय; 300 बिसनाया जरʼखा/बां जरʼखानि थाखाय; 100 बिसनाया ICU/जाब्रबथाइयाव भुगिनांनायफोरनि थाखाय;30 बिसनाया देहायारि मुलि आरो सुंथाफिननायनि थाखाय आरो 30 बिसनाया आयुशनि थाखाय) जेराव देहाजोथोननि खाबुखौ मोन 42 जरʼखा/बां जरʼखा आयदाफोराव होनो थि खालामनाय जादों। ग्रेजुवेट थाखोआव देहाफाहामसालियाव सा 100 फरायसाफोरा मुं थिसननो हागोन। बेनि अनगायैबो Medical Council of India (MCI) नि नेमखौ मानिनानै बायदि आयदायाव PG/doctoral course आरो Nursing Council नि नेमखौ मानिनानै nursing college खुलिनायनि खाबुबो थागोन।
बेनि अनगायैबो, 120 कौटि रां (मिरु सरकारनि 100 कौटि आरो राइजो सरकारनि 20 कौटि) गंफा फसंथानाव खरसा खालामनानै गं 10 राइजोफोराव थाखानाय गं 13 देहा फसंथानफोरखौ जौगाहोनाय जागोन। बे फसंथानफोरा
PMSSY नि नैथि खोलोबाव सरकारा AIIMS-महरनि गंनै फसंथान गंफायै सोनाब बंगʼ आरो उत्तर प्रदेशाव आरो गं द मेदिकेल कलेज फसंथानफोरखौ जौगा महर होनायाव गनायथि होदों। बेफोर जादों-
AIIIMS-महर फसंथाननि थाखाय गंफायाव 823 कौटि रां खरसा थि खालामनाय जादों। मेदिकेल कलेज फसंथानखौ जौगाहोनायनि थाखाय मिरु सरकारनि बिथिंनिफ्राय गंफायाव 125 कौटि रां खरसा बानसʼगोन।
PMSSY नि थामथि खोलोबाव, गाहायाव होनाय थाखानाय मेदिकेल कलेज फसंथानफोरखौ जौगाहोनो थांखि लानाय जादों। बेफोर जादों-
बे सानथांखिनि सिङाव गंफ्रोम मेदिकेल कलेज फसंथानखौ जौगाहोनो 150 कौटि राङै थि खालामनाय जादों, बेफोरनि गेजेराव 125 कौटि रांखौ मिरु सरकारा दिहुनना होगोन आरो 25 कौटि रांखौ गावबागाव राइजो सरकारा बानसʼनांगोन।
फुंखा: PMSSY नि वेबसाइट
जोबथा दाफामनाय : 8/12/2020